218               TESTAMENTS ENREGISTRÉS AU PARLEMENT DE PARIS            (458)
raison, sens et entendement gouvernent sa pensée, voulant ordener les biens que Nostre Seigneur Jhesu Crist lui a prestez en cest siecle, par disposicion testamentaire, fist et ordena son testament ou ordenance de derreniere volenté, ou nom du Pere, du Filz et du benoist saint Es­perit, en la forme et maniere qui s'ensuit :
El premierement, elle, comme bonne et vraye catholique, recom­manda l'ame d'elle, quant de son corps départira, à Nostre Seigneur Jhesu Crist, à la benoiste Vierge Marie, à monseigneur saint Michiel l'ange, à monseigneur saint Pierre et saint Pol et à toute la sainte be­noiste compaignie de Paradis, et son corps à la sepulture de l'Eglise, laquele elle eslit ou cimetiere de l'eglise des Sains Innocens à Paris, pres du lieu où furent sepulturez son pere et sa mere, ou en autre lieu pres d'icelui.
En après, elle voit et ordonna ses debtes estre payées et ses torsl'aiz estre amendez, dont il apperra deuement à ses executeurs cy dessoubz nommez.
Item, volt et ordonna que trois messes soient perpetuelmenl chan­tées et célébrées en ia dicte eglise des Sains Innocens pour le salut et remede de son ame el de ses pere et mere, et autres ses parens et amis, par chascune sepmaine, par un chappellain qui aura la chappelle; lesqueles messes seront continuelment célébrées de Requiem, dont l'une sera chantée au lundi, l'autre au mercredi, et la tierce au ven­dredi, et s'il avenoit qu'elle alast de vie à trespassement à un autre jour que à un des diz jours, elle volt et ordonna que l'une d'icelles messes soit chantée et célébrée au jour que elle ira de vie à trespasse­ment. Et pour la fondacion etdotacion d'icelles messes, elle volt et or­donna vint cinq livres Parisis de rente estre prises chascun an sur toutes les rentes que elle a de son propre heritage en la ville de Paris et hors; lesqueles rentes elle volt estre chargiées, affectées, soubzmises, obligiées et ypothequées pour fournir et faire valoir ies dictes vint cinq livres Parisis de rente, pour les dictes trois messes, jusques à ce que par son heritier ou heritiers ycelles vint cinq livres Parisis de rente soient bien, deuement et souffisaument assises et amorties. Et ou cas